Тропарь, глас 1

Венцы хваления увенчаем седмочисленники славныя, Кирилла со Мефодием, Климента, Наума со Саввою и Горазда со Ангелярием, яко светила возсиявшия и Триединаго Бога нам благовестившия, столпы незыблемыя Церкве Болгарския и богодухновенныя поборники слова нашего, бесовское идолом поклонение упразднившия и Христу Богу молящияся. Церковь нашу утвердити и душам нашим даровати мир и велию милость.

Тропарь святителю Горазду, архиепископу Моравскому, глас 2

Достойнейший преемник учителя своего Мефодия, Моравския Цер­кви первопрестольника, был еси, святителю отче наш Горазде, столп Православия предивен, мученик без крове. И изгнание от своего стада коварными мужи претерпев, далече от своего отечества, Моравския земли, утвердив проповедию догматы Божественныя истины, Духом соединился еси со святыми учители своими Кириллом и Мефодием в Царстве Небеснем. Моли о нас, блаженне, верою почитающих память твою, умирити мир и спасти души наша.

Кондак, глас 4

Непобедими в постничестве явльшеся, козни невидимых врагов Божественною силою победисте; множества же научивше непросвещенных болгар православней вере, восприясте венцы. О нас молитеся Христу, седмочисленницы, дати прегрешений оставление.