Тропарь, глас 4

Преподобне чудотворче, отче Прохоре, препитавый от глада алчущия хлебом от былия и солию от пепела, напитай и нас пищею духовною, моля Христа Бога о душах наших.

Кондак, глас 2

Велием воздержанием удручая плоть свою, святе, лишився пищи человеческия, зелием и травою вместо хлеба, пепелом же, аки солию, питался еси, чудодейственне Прохоре. Еже видя, Господь преложи зелие во хлеб и пепел в соль, имиже ты множество гладных препитал еси, тем тя чтем и ублажаем.