Тропарь, глас 4:

Глас Божественный, иже во Евангелии, услышав, преподобне  от­че Никандре: приидите ко Мне, вси труждающиеся и обремененнии, и Аз упокою вы, прием крест, последовал еси Христу, мир оставль, в пустыню вселился еси, пощением же и бдением небесный дар восприим, и души недужных приходящих к тебе с ве­рою исцеляеши: темже и со Ангелы срадуется, преподобне, дух твой.

Ин тропарь, глас 6:

Светило незаходимаго света стране нашей явился еси, богоблаженне, доблественне претерпев вражия озлобления, биение  и раны яко одежда нетления вменишася тебе, со зверьми бо брався, и от человек злых прободения прияв, о тех молился еси, не постави им греха сего, глаголя; темже Владыце Христу уподобился еси, достохвальне Никандре, отче наш, молися о душах наших.

Кондак, глас 1:

Яко лучу тя солнечную Христос показа, преподобне, сияеши бо  в земли Российстей чудес благодатию, и отгоняеши тму страстей же и скорбей, от приходящих к тебе с верою: темже почитаем твою память, Никандре, отче наш, и вопием ти: радуйся пус­тынножителей красото, и стране нашей похвала и утверждение.

Ин кондак, глас 8:

Во избрание богосиянная звезда веры, иже возсия в Рустей земли, отче преблаженне Никандре, слезами и постом и бдением и молитвами удручал тело свое, темже и обрете небесную жизнь, и радостно тайно со Ангелы ликовствуя, да зовем ти: ра­дуйся, отче преподобне Ннкандре, пустынный жителю.