Тропарь, глас 5

Наготою телесною и терпением обнажил еси вражии коварства, обличая неподобное его деяние, зельне стражда солнечным вар и нуждныя великия студени, мраза и огня не чул еси, Божиею помощию покрываем, Максиме премудре, с верою творящих память твою честно и усердно притекающих к мощем твоим моли избавитися от бед и падения избежати.

Кондак, глас 2

Вышния красоты желая, нижняя сладости и телесная одеяния в ничтоже вменил еси и нестяжание паче суетнаго мира возлюбил еси, ангельское житие проходя, скончался еси, блаженне Максиме, с нимиже Христа моли непрестанно о всех нас.