Тропарь, глас 4

От мирскаго мятежа изшед, в тихое пристанище, преподобнаго Сергия обитель, притекл еси, и тамо равноангельное житие пожив, во страну Галичскую пришел еси, идеже веру Христову насаждая и новокрещеныя люди от суеверии поганских очищая, многи и велики подвиги подъял еси и, обители четыри создав, иноков лики добре упасл еси и ко Христу Спасу привел еси, Егоже моли, преподобне отче Авраамие, спасти души наша.

Кондак, глас 8

В обители Сергия преподобнаго житию иноческому добре навык, вящшаго ради безмолвия и подвигов в пустыню удалитися возжелел еси, и, духом Божим водимь, в пределы земли Галичския пришел еси, и тамо в пустыни икону Матере Господни чудесно обрел еси, с Неюже великая и славная совершив, даже до предел Чухломских достигл еси и отсюду в райския обители вселился еси, Авраамие богоносе, отче наш.