Тропарь, глас 4

От мирскаго мятежа изшед, в пещерах Киевских Феодосия блаженного богомудренно вселился еси, святителю Христов отче Амфилохие, и отсюду во епископа богоспасаемей пастве владимиро-волынстей поставленный, в трудех, бдениих и пощениих свято подвизался еси. И тако достиг добродетелей совершенства, паки в пещеры святыя возвратился еси, идеже и дух свой благочестно предал еси Господеви, всечестне, к лику преподобных Печер­ских причтен, с ними же молися Христу, всечестне, спастися душам нашим.

Кондак, глас 8

Звезду Волынскую, из пещернаго мрака от Киева возсиявшую, и от Волыни второе пещеры заветныя житием своим и блаженною кончиною, и прославлением своим озарившаго, всеблаженнаго Амфилохия, архипастыря Владимиро-Волынского почтим, просяще его, да в лике преподобных Печерских водворяяся, молится купно с нами о душах наших.