Тропарь, глас 4

Боже отец наших, творяй присно с нами по Твоей кротости, не отстави милость Твою от нас, но молитвами и в мире управи живот наш.

Ин тропарь, глас 8

Православия наставницы, благочестия и чистоты учителие, Церкви Вологодстей богодарованное украшение, преподобнии отцы наши Григорие и Кассиане, молите милостиваго Бога, да вашим предстательством подаст благодать и мир стране нашей и душам нашим спасение.

Кондак, глас 4

Иже плотская мудрования Духови повинувше и вся, яже на земли, презревше, Христу, Единому Богу, прилепившеся, святии, и Того ради в пустыню вселишася, источаете ныне исцеления с верою притекающим к мощем вашим, полезная нам просите от Бога молитвами вашими богоприятными, Григорие и Кассиане преподобнии.